Ãåé çàóóãèéí ò¿¿õýýñ...        

Би бага байхдаа надад бусдаас ялгаатай ямар нэг зүйл байгааг мэдэрдэг байсан ч чухам яг юу байсныг мэддэггүй байсан .Нэлээд сүүлд нь би хөвгүүдэд татагддаг болохыгоо олж мэдсэн ба энэ нь миний сэтгэлийг нэлээд түгшээсэн юм. Манайх жирийн нэгэн сайхан гэр бүл байсан. миний эцэг эх хэзээ ч секс гэдэг үгийг хэрэглэдэггүй байсан. Тиймээс ч өөрийнхөө бэлгийн амьдралын талаар олж мэдсэн зүйл маань намайг маш их шаналгаж, ичээдэг байв. Би бусад хөвгүүдээс өөр гэдгээ яаж мэдсэнээ яг сайн санадаггүй юм, ойролцоогоор 11,12 той байхдаа номын санд гомосекс гэдэг үгийн талаар үзсэн юм. Энд юу гэж уншсанаа би хэзээ ч мартдаггүй, тэнд *гомосекс гэдэг бол гаж зүйл, сэтгэцийн өвчин* гэсэн байсан. Би тэр дороо уйлсан. Би өөрийгөө сэтгэцийн өвчтэй, гаж хүн гэж бодоогүй, гэвч би юу хийхээ ч мэдэхгүй байлаа. Би тэр дороо өөрийнхөө эмэгтэй хүний гэж боддог бүх л зүйлийг хийхээ зогсоосон. Энэ нь намайг өөрийгөө үгүйсгэх байдал руу оруулсан юм. Намайг охин шиг баньд гэж хэлэгдэхээс айх айдас маань миний дотроо бухимдах, уурлахаас илүү байлаа. Би өөрөө өөртэйгөө их тэмцдэг болсон. Хэнд ч өөрийгөө гомо гэдгийг мэдэгдэхгүй байхыг хичээдэг хэн нэг нь гей гэдгийг мэдчих вий гэдгээс үхтлээ айдаг байлаа.

Тиймээс ч би дандаа охидуудтай уулздаг, тэдэнд татагдаасай гэж дотроо залбирдаг байв. Сэтгэлийнхээ хувьд татагддаг юм шиг санагддаг байсан ч бие махбодийнхоо хувьд хэзээ ч татагддаггүй байв. Хэдийгээр тийм боловч би бусдад охидтой хамт байгаагаар харагдахыг хичээдэг байв. Эргээд бодож байхад энэ нь өөрийгөө хамгаалах гэсэн нэг арга зам байсан юм болов уу.
 
Би Зоригоотой гей хүмүүсийн цугладаг баранд танилцсан. Түүнтэй уулзсан анхны уулзалтаа маш тод санадаг юм. Анх удаагаа дурлаж байгаа өсвөр үеийн хүүхэд шиг л санагдаж байв.  Түүнтэй уулзсан цагаас миний амьдрал аз жаргалаар бялхаж байх шиг санагдах боллоо. Дандаа өөрийгөө өөрчилж, үргэлжийн түгшүүртэй байсаар би бүр залхаж гүйцжээ. Хэдийгээр одоо би сайн найзтай болсон ч  бусдаас нуугдах, худал хэлэх маань хэвээрээ л байгаа болохоор бас л хэцүү. Манайд гомо байна гэдэг эвэртэй туулай л гэсэн үг болохоор энэ талаар бусдад мэдэгдэх нь миний нэр төр цаашлаад гэр бүлийн маань нэр төрд яаж нөлөөлөх вэ гэдгийг би энэ чигээрээ л нуугдсаар байхаас яахав.